السراط المستقيم متع دار الدنيا تعرفوه ؟
كان ما تعرفوهوش ايجاو نحكيلكم عليه ...
السراط المستقيم في دار الدنيا يبدى يتبنى على اختياراتكم اما مش ديما على خاتر و انت ضغير و قالو عليك ما تفهمش فما عباد اختارت شويا من هاك الخيط الي يمشي و يجواد و مبعد تلقى روحك ترقع في الي عملوهولك في حياتك و تحاول تمنع روحك من الطيحة للشواطن الي تستنى فيك اللوطة
انا واحد مالناس ما عرفت نرق كان ما تحط للشواطن اما بحكم العشرة المطولة ليهم اقنعتهم بانهم يعاودو يطلعوني للسراط و نكمل ثنيتي
في السراط هذا في عوض الجمر الي ينڨزلك باش يحرقك يعرضوك كائنات من بني البشر الي مالقاوش باها وين ولاو شدو بلايصهم و خدمتهم يطيحوك للدنك (الشواطن) انتي وزهرك و انت وشعملت على طول الحبل باش تلقاهم برشا ولا شويا
الخيط هذا مش راكح برشا فما فروخ كببلة يدرجحو فيه هذم زادة حطو ايديهم في ايدين الشواطن باش يطيحوك
الشواطن اللوطة جواعة للمخاخ الي ما تخممش باش يستبلهوهم كيما استبلهو الجماعة الي تحرك في الخيط و كيما خلاو الجماعة تخدم مقصات باش يطيحوك
اما برجولية انتي و شطارتك كيفاش تسلكها معاهم
بعد ما طلعت من حذا الشواطن الي كرزو مني نوعا ما خاتر ما نجموش يشربولي مخي و مبعد ما اقنعتهم يطلعوني الثنية سهالت و ولات تتشاف مليح
وانا في وسط الطريق باش نخلط للجنة نسمع في عباد يحكيو على وحش كبير في الثنية كل واحد و روايتو اما الي اتفقو فيه الي الوحش هذا مزيان و وهراني و ريحتو تركب الكيف و ما تجيبهاش فيه الرب متع الشماته جملة و واحد يقلك يشد يعفس فيك و ينخرلك مخك و صدرك وجايع يكرهك في روحك، وفما الي يقلك الي الوحش هذا ماللاول يركحلك امورك و توليو صحبة و يضحلك و يبنيلك الدنيا زينة و مبعد يفكل بالحاجة بالحاجة و يخليك اتدمر روحك وحدك و ترضى تهبط تعيش مع الشواطن و فما الي يقول الي اول ما تعرفو يعفس فيك و يحيلك والديك و مبعد يحن عليك و يسيبك و متفاهمين في حاجة الي انت ما تنجم تقاومو كان بصحة الراس و الڨلب الحجر و مخك الفايق و كان شاف فيك هالثلاثة يخاف يقربلك
الحقيقة وهڨت منو و بديت نرعش كيف سمعت هكا الڨلب الحجر ما عنديش اما المخ الفايق موجود و صحة الراس انا و الجو
بديت نقرب للبليصة الي فيها الوحش و الخيط خشان لين الساقين الزوز يتحط بحذى بعضهم من غير قلق و معادش يتحرك و العباد الي في الثنية بدات تنقص اما كلها وجوه تاعبة ولات وين تتلفت تلقى الشراب و الوراق و الحبار النجوم في السماء تقلبت حروف و اكثر من شطر الحروف حرف ال "ح" و حرف ال "ب" قالو هذوكا اسم الوحش
تلفت على ايساري نلقى بار قلت ايه ليها وحشة الخضرة عندي 4 ايام نمشي ما بليتش ريقي
و انا داخل مالباب نسمع في طريقك يا ولدي مسدووووووود مسدوووووود مسدوووووووود
طفيت الضو و كملت نسمع في صوت جاي من بعيد ايا مرحبا آش نشربوك من غير تردد قتلو جيب زوز بيرة نبدى بيهم تو نتفاهمو
قعدت جا السيرفور و حط 4 بيرة تلفت قتلو زوز مش 4 قالي و الي عايشة في وسطك ما تشربها شي ؟
بهمت ما فهمتش شيقصد مشا يجري و جابلي مراية صفرة شويا و قالي اغزر فيها مليح
غزرت ثبت ما ليقت شي وانا هكاك مبهم نحس في ضلوعي باش تتكسر
ضرب السيرفور المراية كسرها و حطها فوق الكرسي
خرجت من تحت القزاز طفلة "نحبها"
قلي هذي الي بش تشرب معاك
سكت و قعدت باهت لا فمت نفرح نبكي نتغشش نصيح
المهم قعدنا نحكيو و قررنا نمشيو في السراط مع بعضنا الى ان ياتي ما يخالف ذلك
و ما يخالف ذلك جاء فيسع كنت نمشي ما لقيتهاش
الثنية بدات اتعب فيا قلت نرتاح الليل و مبعد نكمل ...
(انتوما زادة تعبتو مالحكاية وتو نكمللكم)
كان ما تعرفوهوش ايجاو نحكيلكم عليه ...
السراط المستقيم في دار الدنيا يبدى يتبنى على اختياراتكم اما مش ديما على خاتر و انت ضغير و قالو عليك ما تفهمش فما عباد اختارت شويا من هاك الخيط الي يمشي و يجواد و مبعد تلقى روحك ترقع في الي عملوهولك في حياتك و تحاول تمنع روحك من الطيحة للشواطن الي تستنى فيك اللوطة
انا واحد مالناس ما عرفت نرق كان ما تحط للشواطن اما بحكم العشرة المطولة ليهم اقنعتهم بانهم يعاودو يطلعوني للسراط و نكمل ثنيتي
في السراط هذا في عوض الجمر الي ينڨزلك باش يحرقك يعرضوك كائنات من بني البشر الي مالقاوش باها وين ولاو شدو بلايصهم و خدمتهم يطيحوك للدنك (الشواطن) انتي وزهرك و انت وشعملت على طول الحبل باش تلقاهم برشا ولا شويا
الخيط هذا مش راكح برشا فما فروخ كببلة يدرجحو فيه هذم زادة حطو ايديهم في ايدين الشواطن باش يطيحوك
الشواطن اللوطة جواعة للمخاخ الي ما تخممش باش يستبلهوهم كيما استبلهو الجماعة الي تحرك في الخيط و كيما خلاو الجماعة تخدم مقصات باش يطيحوك
اما برجولية انتي و شطارتك كيفاش تسلكها معاهم
بعد ما طلعت من حذا الشواطن الي كرزو مني نوعا ما خاتر ما نجموش يشربولي مخي و مبعد ما اقنعتهم يطلعوني الثنية سهالت و ولات تتشاف مليح
وانا في وسط الطريق باش نخلط للجنة نسمع في عباد يحكيو على وحش كبير في الثنية كل واحد و روايتو اما الي اتفقو فيه الي الوحش هذا مزيان و وهراني و ريحتو تركب الكيف و ما تجيبهاش فيه الرب متع الشماته جملة و واحد يقلك يشد يعفس فيك و ينخرلك مخك و صدرك وجايع يكرهك في روحك، وفما الي يقلك الي الوحش هذا ماللاول يركحلك امورك و توليو صحبة و يضحلك و يبنيلك الدنيا زينة و مبعد يفكل بالحاجة بالحاجة و يخليك اتدمر روحك وحدك و ترضى تهبط تعيش مع الشواطن و فما الي يقول الي اول ما تعرفو يعفس فيك و يحيلك والديك و مبعد يحن عليك و يسيبك و متفاهمين في حاجة الي انت ما تنجم تقاومو كان بصحة الراس و الڨلب الحجر و مخك الفايق و كان شاف فيك هالثلاثة يخاف يقربلك
الحقيقة وهڨت منو و بديت نرعش كيف سمعت هكا الڨلب الحجر ما عنديش اما المخ الفايق موجود و صحة الراس انا و الجو
بديت نقرب للبليصة الي فيها الوحش و الخيط خشان لين الساقين الزوز يتحط بحذى بعضهم من غير قلق و معادش يتحرك و العباد الي في الثنية بدات تنقص اما كلها وجوه تاعبة ولات وين تتلفت تلقى الشراب و الوراق و الحبار النجوم في السماء تقلبت حروف و اكثر من شطر الحروف حرف ال "ح" و حرف ال "ب" قالو هذوكا اسم الوحش
تلفت على ايساري نلقى بار قلت ايه ليها وحشة الخضرة عندي 4 ايام نمشي ما بليتش ريقي
و انا داخل مالباب نسمع في طريقك يا ولدي مسدووووووود مسدوووووود مسدوووووووود
طفيت الضو و كملت نسمع في صوت جاي من بعيد ايا مرحبا آش نشربوك من غير تردد قتلو جيب زوز بيرة نبدى بيهم تو نتفاهمو
قعدت جا السيرفور و حط 4 بيرة تلفت قتلو زوز مش 4 قالي و الي عايشة في وسطك ما تشربها شي ؟
بهمت ما فهمتش شيقصد مشا يجري و جابلي مراية صفرة شويا و قالي اغزر فيها مليح
غزرت ثبت ما ليقت شي وانا هكاك مبهم نحس في ضلوعي باش تتكسر
ضرب السيرفور المراية كسرها و حطها فوق الكرسي
خرجت من تحت القزاز طفلة "نحبها"
قلي هذي الي بش تشرب معاك
سكت و قعدت باهت لا فمت نفرح نبكي نتغشش نصيح
المهم قعدنا نحكيو و قررنا نمشيو في السراط مع بعضنا الى ان ياتي ما يخالف ذلك
و ما يخالف ذلك جاء فيسع كنت نمشي ما لقيتهاش
الثنية بدات اتعب فيا قلت نرتاح الليل و مبعد نكمل ...
(انتوما زادة تعبتو مالحكاية وتو نكمللكم)
Aucun commentaire:
Enregistrer un commentaire